Hindistanda Su-30 qəzaya uğradı - Pilotlar öldü - FOTO - YENİLƏNİB

Hindistan Hərbi Hava Qüvvələrinə məxsus "Su-30MKI" qırıcı təyyarəsinin Assam ştatının şimal-şərqində qəzaya uğraması nəticəsində iki pilot həlak olub.

Avtosfer.az xəbər verir ki, bu barədə Hindistan Hərbi Hava Qüvvələri məlumat yayıb.

Məlumata görə, hadisə baş verən zaman təyyarəçilər ölümcül xəsarətlər alıblar.

***09:11

Hindistan Hərbi Hava Qüvvələrinə məxsus "Su-30 MKİ" qırıcısı Assam ştatının Corhat şəhərindən təxminən 60 km məsafədə qəzaya uğrayıb.

Avtosfer.az "Kommersant"a istinadən xəbər verir ki, bu barədə Hindistan HHQ-nin mətbuat xidmətindən bildirilib.

Qeyd olunub ki, qırıcı ilə ötən gün axşam saatlarında əlaqə kəsilib. Məlumata görə, təyyarə təlim uçuşu üçün Corhatdan havaya qalxıb.

Qəza Hindistanın Çinlə sərhəddəki Arunçal-Pradeş ştatının yaxınlığında baş verib.