"Hyundai" xarab olan "BMW"yə çırpıldı; maşın evakuatora çıxdı - VİDEO

Belarusda nadir rast gəlinən tragikomik bir hadisə baş verib. Avtosfer.az xəbər verir ki, yolda xarab olub qalan "BMW"nin sürücüsü evakuator gözləyirmiş. Bu zaman eyni yolla hərəkət edən "Hyundai" markalı avtomobilin sürücüsü idarəetməni itirərək dayanmış "BMW"yə çırpılıb. Xarab olmuş avtomobil zərbənin gücündən irəliyə doğru hərəkət edərək tam qarşısında dayanan evakuatorun platformasına qalxıb.

Hadisə nəticəsində "BMW" daha çox zədələnsə də, onu evakuatora qaldırmaq üçün əlavə əməliyyatlara ehtiyac qalmayıb.

Faktla bağlı araşdırma aparılır, dəymiş ziyanın dəqiq məbləği müəyyənləşdirilir.

Namiq Musayev