İki “Toyota” markalı “pikap” toqquşdu: 28 ölü, 21 yaralı

İranın Bəlucistan vilayətində iki nəqliyyat vasitəsinin iştirakı ilə ağır yol qəzası baş verib. Avtosfer.az “shastoon.ir” portalına istinadən məlumat verir ki, insident bu gün səhər 4.50 radələrində Sarvan-Xaş avtomagistralının 80-ci kilometrliyində qeydə alınıb.

Məlumata görə, iki “Toyota” markalı “pikap”ın toqquşması nəticəsində 28 nəfər ölüb, daha 21 nəfər isə xəsarət alıb. Qəzadan sonra hadisə yerinə 7 təcili tibbi yardım maşının cəlb edilib.

Yaralılar Xaş şəhərindəki İmam Xomeyni Xəstəxanasına çatdırılıblar.

Dünyasını dəyişən və xəsarət alanların Əfqanıstan vətəndaşları olduğu bildirilir.

Namiq Musayev