İki yaşlı körpəni xəstəxanaya aparan helikopter qəzaya uğradı: 1 ölü, 2 itkin

Ficidə iki yaşlı körpəni xəstəxanaya aparan səhiyyə helikopteri qəzaya uğrayıb. Avtosfer.az “RİA Novosti”yə istinadən xəbər verir ki, dördyerli “Robinson "R-44" helikopteri axşam saatlarında radarlardan itib. Bu barədə “FBC” teleradio korporasiyası məlumat yayıb.

Məlumata görə, helikopter Naitamba adasının şərqindən Vanua-Levu adasının şimalında yerləşən xəstəxanaya uçurmuş. Körpənin anası müşayiət edib və ümumilikdə göyərtədə 3 nəfər olub. Hava gəmisi körfəz rayonu olan Natevada qəzaya uğrayıb.

Fici Hərbi Dəniz Qüvvələrinin komandanı kapitanı Hamfri Tavake təsdiq edib ki, helikopterin qalıqları arasından 1 nəfərin meyiti xilasedicilər tərəfindən aşkar olunub. Qalan iki nəfərin axtarışları isə davam etdirilir.

Namiq Musayev

Materiallardan istifadə edərkən hiperlinklə istinad VACİBDİR!