İri şüşə avtomobilin üzərinə düşdü: sürücü xəsarət alıb - FOTO

Səbail rayonunda güclü külək zamanı iri şüşə parçası binadan avtomobilin üzərinə düşüb. Avtosfer.az APA-ya istinadən xəbər verir ki, gecə saatlarında Cəfərov Ağakərim Rafiqoğlu idarə etdiyi “Nissan” markalı avtomobillə Nizami küçəsində hərəkətdə olub. Güclü külək nəticəsində yaxınlıqdakı oteldən iri şüşə avtomobilin banına çırpılıb. Sürücü idarə etməni itirərək nəqliyyat vasitəsini səkiyə çırpıb. A.Cəfərov xəsarət alaraq 1 saylı şəhər xəstəxanasına yerləşdirilib. Avtomobil isə yararsız hala düşüb.

Fakt araşdırılır.