İspaniya Hərbi Hava Qüvvələrinin təyyarəsi Aralıq dənizinə düşüb

İspaniya Hərbi Hava Qüvvələrinə məxsus təyyarə Aralıq dənizi üzərində qəzaya uğrayıb. Avtosfer.az Azərtac-a istinadən xəbər verir ki, hadisə avqustun 26-da səhər saatlarında İspaniyanın cənub-şərqində yerləşən Mursiya əyaləti sahilləri yaxınlığında baş verib. San-Havyer bələdiyyəsinin başçısı C-101 tipli təyyarənin qəzaya uğraması barədə məlumatı təsdiqləyib. Hazırda xilasedici gəmilər qəzanın baş verdiyi əraziyə yollanıb. Qəzanın başvermə səbəbləri araşdırılır. “Cadena SER” radiostansiyasının məlumatına əsasən, təyyarə ölkənin hərbi-hava qüvvələrinin akademiyasına məxsus olub. Qəza zamanı pilot katapult edə bilib, onun axtarışları davam edir.