Kürdəmirdə avtomobil aşdı: Xəsarət alanlar var - FOTO - YENİLƏNİB

Yanvarın 1-i saat 11:00-da Kürdəmirdə baş verən yol-nəqliyyat hadisəsi səbəbi ilə xəsarət alan iki nəfər (qadın) Kürdəmir Rayon Mərkəzi Xəstəxanasına hospitalizasiya olunub.

Bu barədə Oxu.Az-ın sorğusuna cavab olaraq Kürdəmir Rayon Mərkəzi Xəstəxanasından məlumat verilib.

Məlumatda qeyd olunub ki, onlara bədənin müxtəlif nahiyələrinin səthi travması diaqnozu təyin edilib:

"Hər iki pasiyentə zəruri tibbi yardım göstərildikdən sonra onlar ambulator müalicə üçün evə buraxılıblar".

***11:37
Kürdəmirdə yol-nəqliyyat hadisəsi baş verib, xəsarət alanlar var.

Avtosfer.az "Report"a istinadən xəbər verir ki, hadisə Ağsu-Kürdəmir-İmişli avtomobil yolunun rayonun Sor-Sor kəndindən keçən hissəsində qeydə alınıb.

Belə ki, İbrahim Novruzov "Hyundai i30" markalı avtomobillə qəfildən idarəetməni itirib. Nəticədə avtomobil yoldan çıxaraq aşıb.

Qəza zamanı avtomobildə olan üç nəfər müxtəlif dərəcəli bədən xəsarətləri alıb. Onlar Kürdəmir Rayon Mərkəzi Xəstəxanasına (RMX) aparılıblar və həkim nəzarətinə götürülüblər.

Faktla bağlı araşdırma aparılır.