Kürdəmirdə qayda pozan “VAZ” sürücüsü “Mercedes”i vurdu - VİDEO

Kürdəmirdə yol-nəqliyyat hadisəsi baş verib.

Avtosfer.az-ın məlumatına görə, qəza iyulun 30-da səhər saatlarında qeydə alınıb. Belə ki, hərəkətdə olan 90-XV-074 dövlət nömrə nişanlı “VAZ-21011” markalı maşın, 90-FA-322 dövlət nömrə nişanlı “Mercedes” markalı avtomobillə toqquşub. İddialara əsasən, qəzaya səbəb “VAZ” sürücüsünün manevr qaydasını pozması olub. Hadisə zamanı xəsarət alan olmasa da hər iki nəqliyyat vasitəsinə ciddi maddi ziyan dəyib. 

Qeyd edək ki, qəza yerinə DYP əməkdaşları cəlb olunub.

Faktla bağlı araşdırma davam edir. 

Nərmin