Kürdəmirdə qəza oldu - Ölən var - YENİLƏNİB

Kürdəmirdə baş verən yol-nəqliyyat hadisəsi zamanı xəsarət alan şəxsin vəziyyəti açıqlanıb.

Avtosfer.az oxu.az-a istinadən xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

"Avqustun 26-sı saat 19:30-da Kürdəmir rayonu ərazisində baş verən yol-nəqliyyat hadisəsi səbəbilə bir nəfər (qadın cinsli) Kürdəmir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

1975-ci il təvəllüdlü şəxsə L2 fəqərəsinin kompression sınığı diaqnozu təyin olunub və zəruri ilkin tibbi xidmət göstərilib.

Vəziyyəti kafi qiymətləndirilən pasiyent öz istəyi ilə ixtisaslı tibbi xidmətdən imtina edib", - məlumatda qeyd olunub.

***09:23
Kürdəmirdə ağır yol qəzası baş verib.

Avtosfer.az xəbər verir ki, hadisə Ağsu–Kürdəmir–İmişli avtomobil yolunun Ucarlı kəndi ərazisindən keçən hissəsində qeydə alınıb.

Belə ki, “Mercedes” markalı minik avtomobili “Chevrolet”lə toqquşub.

Qəza nəticəsində “Mercedes”in 39 yaşlı sürücüsü Vahid Alıyev hadisə yerində vəfat edib.

Avtomobildə olan xanım sərnişin isə xəstəxanaya yerləşdirilib.