Kürdəmirdə yol qəzasında 2 nəfər xəsarət alıb - VİDEO

Kürdəmir rayonunda 2 nəfərin xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə Bakı-Qazax avtomobil yolunun 174-cü km-də rayonun Karrar kəndindən keçən hissəsində qeydə alınıb. "Toyota" markalı avtomaşın Bakı istiqamətində hərəkətdə olarkən idarəetmədən çıxıb. Nəticədə avtomobil yol kənarındakı beton lövhəyə dəyərək aşıb. Hadisə zamanı sürücü və sərnişin xəsarət alıb. Yaralılar dərhal Kürdəmir RMX-nın Travmatologiya şöbəsinə çatdırılıb.

Fakt araşdırılır.