Masazırda təhlükəli manevr dəhşətli qəza ilə nəticələndi - 4 maşın… - ANBAAN VİDEO

Bakı–Sumqayıt yolunun Masazır qəsəbəsi ərazisindən keçən hissəsində baş verən yol-nəqliyyat hadisəsi avtomobilin kamerasına düşüb.

Avtosfer.az xəbər verir ki, qəza bir müddət əvvəl günorta saatlarında qeydə alınıb. Görüntülərdən məlum olur ki, hərəkətdə olan “Toyota Corolla” markalı avtomobilin sürücüsü qəfil sol zolağa manevr edib. Nəticədə o, həmin zolaqda hərəkətdə olan avtomobillə toqquşub, ardınca isə öndəki yük maşınına çırpılıb. Zərbənin təsiri ilə avtomobil sonda dəmir arakəsməyə dəyərək dayanıb.

Hadisə nəticəsində üç nəqliyyat vasitəsi ilə yanaşı, əks istiqamətdə hərəkətdə olan avtomobilə də maddi ziyan dəyib.

İlkin məlumata görə, “Toyota”nın sürücüsü müxtəlif dərəcəli bədən xəsarətləri alıb.

Nərmin