Maştağada ağır qəza: Sükan arxasından güclə çıxarılan sürücü öldü - VİDEO

Avtosfer.az-ın əldə etdiyi məlumata görə, qəza nəticəsində “Opel” markalı avtomobilin sürücüsü Vahid adlı şəxs avtomobildə sıxılı vəziyyətdə qalıb. Yaxınlıqda olan vətəndaşların köməyi ilə o, avtomobildən çətinliklə çıxarılsa da, həyatını xilas etmək mümkün olmayıb. “Opel”in sərnişini isə ağır bədən xəsarətləri ilə xəstəxanaya yerləşdirilib.

Hazırda onun vəziyyətinin ağır olduğu bildirilir.

*** 13:48

Paytaxtın Sabunçu rayonu, Maştağa-Buzovna yolunda ağır yol-nəqliyyat hadisəsi baş verib.

Avtosfer.az xəbər verir ki, qəza sentyabrın 21-də səhər saatlarında qeydə alınıb.

Belə ki, hərəkətdə olan “Opel” markalı avtomobil “Mercedes” markalı minik vasitəsi ilə toqquşub. Hadisə nəticəsində hər iki nəqliyyat vasitəsinə ciddi maddi ziyan dəyib. İlkin məlumata görə, xəsarət alanlar var. 

Qeyd edək ki, əraziyə yol polisi əməkdaşları cəlb olunub.

Qəzanın başvermə səbəbləri araşdırılır.

Nərmin