Məşhur jurnalist reportaj zamanı təyyarə qəzasında öldü - FOTO

ABŞ-da Yeni Orleanın yerli xəbər aparıcısı Nensi Parker təyyarə qəzasında dünyasını dəyişib.

Avtosfer.az “RİA Novosti”yə istinadən xəbər verir ki, insident avqustun 16-sı, 53 yaşlı Parkerin pilot haqqında hazırladığı reportaj zamanı, çətin fəndlər yerinə yetirərkən baş verib. Bu barədə “NBC” telekanalı məlumat yayıb.

Məlumata görə, jurnalistlə birgə reportajın qəhrəmanı da ölüb.

Telekanalın bildirdiyinə görə, Parker bütün fəaliyyəti dövrü ərzində 5 Emmi mükafatı alıb.

Polis insidentlə bağlı araşdırmalara başlayıb.

Namiq Musayev