Mingəçevirdə avtomobilin vurduğu piyada xəsarət alıb

Mingəçevirdə qadın piyadanı avtomaşın vurub. APA-nın məlumatına görə, hadisə şəhərin Xaldan şossesində, yeni məcburi köçkün şəhərciyinin yaxınlığında baş verib. Belə ki, “VAZ 2109” markalı minik maşını yolu keçmək istəyən təqribən 27-30 yaşlı Azadə Əjdər qızını vuraraq ona ağır xəsarət yetirib. Yaralı dərhal xəstəxanaya çatdırılıb.

Faktla bağlı araşdırma aparılır.