Moskvadan Anapaya uçan təyyarənin pilotu yolda öldü

Rusiyanın “Aeroflot” şirkətinə məxsus təyyarənin ikinci pilotu uçuş zamanı vəfat edib. 

TASS xəbər verir ki, hadisə Moskva-Anapa marşrutu zamanı baş verib. 

İkinci pilotun vəziyyətinin pisləşməsi təyyarənin təcili eniş etməsinə səbəb olub. 

Hava gəmisi Rostovda qəza enişi edib, təcili-tibbi yardım briqadası cəlb olunsa da, həkimlərin səyinə baxmayaraq pilotun həyatını xilas etmək mümkün olmayıb. 

Həkimlər pilotun qəfil ürəktutmadan vəfat etdiyini bildiriblər. 

Daha sonra reys başa çatdırılıb.