Novxanı-Pirşağı yolunda dəhşətli qəza: Yaralılar var – VİDEO - YENİLƏNİB

Binəqədi rayonu ərazisində, Novxanı-Pirşağı yolunda baş verən yol-nəqliyyat hadisəsi ilə bağlı Respublika Təcili və Təxirəsalınmaz Tibbi Yardım Mərkəzinə müraciət qeydə alınmayıb.

Avtosfer.az xəbər verir ki, bu məlumat Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) verilib.

***10:03

Bakı Şəhər Dövlət Yol Polisi İdarəsindən Avtosfer.az-a verilən məlumatda bildirilib ki, hadisə saat 07:53 radələrində baş verib.

Qəza zamanı 77-NM-511 nömrə nişanlı “Volkswagen Polo” markalı avtomobillə 50-EC-353 nömrə nişanlı "BYD" ilə toqquşub.

Nəticədə iki nəfər xəsarət alıb.

*** 09:18

Novxanı-Pirşağı yolunda ağır yol-nəqliyyat hadisəsi baş verib.

Avtosfer.az xəbər verir ki, qəza bu gün səhər saatlarında qeydə alınıb.

İlkin məlumata görə, hərəkətdə olan iki avtomobilin toqquşması nəticəsində bir neçə nəfər xəsarət alıb.

Hadisə yerinə aid görüntülər sosial şəbəkələrdə yayılıb.

Qəzanın hansı səbəbdən baş verdiyi və xəsarət alanların vəziyyəti barədə hələlik ətraflı məlumat yoxdur.

Eltac