Oğuzda iki maşın toqquşdu: xəsarət alan var

Oğuzda iki maşının toqquşması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə axşam saatlarında İsmayıllı-Qaraməryəm-Şəki magistral yolunun, rayonun Kərimli kəndi ərazisindən keçən hissəsində baş verib. Hərəkətdə olan 90-FB-426 dövlət qeydiyyat nişanlı "Ford Tranzit" markalı avtomobil etni istiqamətdə hərəkət edən "Shagman" markalı yük avtomobilinə çırpılıb. "Ford"un sürücüsü ağır xəsarətlarlə Şəki rayon Mərkəzi Xəstəxanasına çatdırılıb.

Faktla bağlı araşdırma aparılır.