Prospektdə “Mercedes”ə çırpılan “VAZ”ın baqajı “yoxa çıxdı” - VİDEO

Qubada yol-nəqliyyat hadisəsi baş verib.

Avtosfer.az-ın məlumatına görə, qəza sentyabrın 19-da saat 21:45 radələrində Heydər Əliyev prospektində qeydə alınıb. Belə ki, hərəkətdə olan “Mercedes” markalı avtomobil “VAZ-2107” markalı maşınla toqquşub. Qəzaya səbəb “Mercedes” sürücüsünün avtomobili yüksək sürətlə idarə etməsi olub. Nəticədə o, sükanı buraxaraq yol kənarında dayanmış maşına çırpılıb. Zərbənin təsirindən “VAZ”ın baqajı əzik-əzik olub, digər avtomobilə də ciddi maddi ziyan dəyib. Xoşbəxtlikdən sürücülər arasında xəsarət alan olmayıb.

Qeyd edək ki, qəzayla bağlı araşdırma aparılır.

Nərmin