Qaz borusuna çırpılan yük maşını yolu bağladı – FHN cəlb olundu - VİDEO

Gürcüstanın Marneuli şəhərində yük maşını qaz borusuna çırpılıb.

Avtosfer.az-ın məlumatına görə, hadisə oktyabrın 21-də axşam saatlarında baş verib. Belə ki, hərəkətdə olan “Hovo” markalı yük maşını qaz borusuna çırpılıb.

Zərbənin təsirindən boru yük maşınının kabinəsi ilə yük hissəsinin arasına düşərək nəqliyyat vasitəsinin hərəkətini məhdudlaşdırıb. Nəticədə yol bağlanıb və digər avtomobillərin hərəkətində maneə yaranıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb olunublar. Boru kəsilərək yoldan götürüldükdən sonra nəqliyyat vasitələrinin hərəkəti bərpa edilib.

Nərmin