“Qazel” yük maşınına çırpıldı: 9 yaralı

Dağıstanda “P-217” avtomagistralında “Qazel”in qəzaya uğraması nəticəsində 9 nəfər xəsarət alıb. Avtosfer.az “RenTV ”yə istinadən xəbər verir ki, insident Dərbənd rayonunun Aşağı Djalqan rayonunda qeydə alınıb. Məlumata görə, içərisində sərnişinlərin olduğu “Qazel” markalı mikroavtobus idarəetmədən çıxaraq yol kənarında dayanmış yük maşınına çırpılıb. Nəticədə 9 nəfər müxtəlif dərəcəli bədən xəsarətləri alıb. Yaralılar təcili tibbi yardım maşınları ilə xəstəxanaya çatdırılıb.

Polis qəza ilə bağlı araşdırmalara başlayıb.

Namiq