Qəzaya düşən maşının şüşəsini qırıb kömək etdi, qınadılar - VİDEO

Türkiyənin İstanbul şəhərində baş verən yol-nəqliyyat hadisəsində çevrilən avtomobilə yardım etmək istəyən motosiklet sürücüləri gözləmədikləri reaksiya ilə qarşılaşıblar.

Avtosfer.az xəbər verir ki, qəza zamanı avtomobildə sıxışan sərnişinləri çıxarmaq üçün maşının şüşəsini sındıran motosiklet sürücüsünə avtomobilin sahibi irad bildirib.

Hadisə şahidlərinin sözlərinə görə, qəzanın ardından əraziyə yaxın olan motosikletçilər dərhal yardıma qaçıblar və sərnişinləri xilas etmək üçün bütün səylərini göstəriblər. Lakin qəza zamanı xilasetmə məqsədilə sındırılan şüşə avtomobil sahibinin narazılığına səbəb olub. Bu vəziyyət sosial mediada da geniş müzakirələrə səbəb olub.

Qeyd edək ki, hadisə nəticəsində ciddi xəsarət alan olmayıb, lakin bu cür reaksiyalar ictimaiyyət arasında birmənalı qarşılanmayıb.

Eltac Zülfüqaroğlu