Qubada qəzada 5 nəfər yaralandı, biri uşaqdır - FOTO - YENİLƏNİB

Tibbi Ərazi Bölmələrini İdarəetmə Birliyi Quba rayonunda baş verən yol-nəqliyyat hadisəsi zamanı xəsarət alanların vəziyyətlərini açıqlayıb.

Avtosfer.az-ın məlumatına görə, qurumdan Oxu.Az-ın sorğusuna cavab olaraq bildirilib ki, hadisə nəticəsində xəsarət alan 5 nəfər (2 kişi, 3 qadın) bu gün saat 14:50-də Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda onların müalicələri müvafiq şöbələrdə davam etdirilir, vəziyyətləri orta ağır qiymətləndirilir.

***16:16
Bu gün saat 14 radələrində Bakı-Quba yolunun Quba rayonunun Pirvahid kəndi ərazisindən keçən hissəsində ağır qəza baş verib.

Avtosfer.az qafqazinfo-ya istinadən xəbər verir ki, “Mercedes” markalı minik avtomobil ilə “İveco” markalı yük avtomobili toqquşub.

Hadisə nəticəsində 5 nəfər xəsarət alıb. Onların arasında azyaşlı uşaq da var.

Faktla bağlı araşdırma aparılır.