Qusarda qəza: Yük maşınıyla toqquşan “Nissan” aşdı - VİDEO

Qusar rayonunda yol-nəqliyyat hadisəsi baş verib.

Avtosfer.az-ın məlumatına görə, qəza fevralın 15-də saat 17:00 radələrində Minaxür kəndində qeydə alınıb.

Belə ki, hərəkətdə olan 99-UT-322 dövlət nömrə nişanlı “Nissan” markalı avtomobil, “Mercedes” markalı yük maşınıyla toqquşub.

Zərbənin təsirindən “Nissan” yol kənarına aşıb.

Hadisə nəticəsində hər iki nəqliyyat vasitəsinə maddi ziyan dəyib, sürücülər arasında xəsarət alan olmayıb. 

Faktla bağlı araşdırma aparılır. 

Nərmin