Rusiyada üç maşın toqquşdu, ölən və yaralılar var

Moskva ətrafında, Riqa şossesinin 159-cu km-də ağır yol-nəqliyyat hadisəsi olub. Avtosfer.az- sputnik-ə istinadən bildirir ki, yerli vaxtla 19.15-də Tver vilayətinə dönən yolda mikroavtobusla minik və yük maşınları toqquşub. Qəzada beş nəfər ölüb, onlardan ikisi uşaqdır. Daha səkkiz nəfər, o cümlədən bir uşaq xəsarət alıb. Hadisə yerində yol patrul xidmətinin əməkdaşları və operativ istintaq qrupu işləyir.