Sabirabadda maşının aşması nəticəsində sürücü ağır yaralanıb

Sabirabad rayonunda yol-nəqliyyat hadisəsi baş verib. APA-nın məlumatına görə, hadisə saat 23.00 radələrində Sabirabad rayonunun Qarağac kəndində qeydə alınıb. Salyan rayonunun Arbatan kənd sakini, 1980-ci il təvəllüdlü Səmədov Anar Yusif oğlunun sərxoş vəziyyətdə idarə etdiyi “Lada Priora” markalı avtomobil yoldan çıxaraq aşıb. Nəticədə sürücü müxtəlif ağır xəsarətlər alaraq Şirvan şəhər Xəstəxanasının Reanimasiya şöbəsinə yerləşdirlib. 

Faktla bağlı Sabirabad Polis Şöbəsində araşdırma aparılır.