Səhər saatlarında ağır yol qəzası: 2 ölü, 1 yaralı - FOTO

Rusiyanın Sankt-Peterburq şəhərində minik avtomobilinin qəzaya uğraması nəticəsində 2 nəfər ölüb, 1 nəfər isə xəsarət alıb.

Avtosfer.az yerli mətbuata istinadən xəbər verir ki, insident avqustun 4-ü Primorski rayonunda qeydə alınıb.

Məlumata görə, səhər saatlarında Matros Jeleznyak küçəsində sürətlə hərəkətdə olan “Skoda Rapid” markalı avtomobil döngədə sürücünün idarəetməsindən çıxaraq əvvəlcə səkiyə sonra da yol kənarındakı ağaca çırpılıb və yanıb.

Qəzada sürücü və 28 yaşlı qadın sərnişini ölüb, daha 1 kişi sərnişin ağır xəsarətlər alaraq rayon xəstəxanasının reanimasiya şöbəsinə yerləşdirilib.

Polis hadisə ilə bağlı araşdırmalara başlayıb.

Namiq Musayev