Şəhərlərarası sərnişin avtobusu aşdı: 13 ölü

Pakistanda şəhərlərarası sərnişin avtobusunun qəzaya uğraması nəticəsində 13 nəfər ölüb, onlarla insan xəsarət alıb. Avtosfer.az “RİA Novosti”yə istinadən xəbər verir ki, insident iyulun 11-i Pəncab vilayətinin Attok şəhəri yaxınlığında qeydə alınıb. Bu barədə “GeoTV” telekanalı məlumat yayıb. Məlumata görə, Svatadan Laxora gedən reys avtobusunun sürücüsü sürüşkən yolda idarəetməni itirərək yolun hərəkət hissəsindən çıxaraq aşıb. Fövqəladə Hallar Xidmətindən bildirilib ki, avtobusda 59 nəfər olub. Hazırda hadisə yerində xilasedicilər işləyir. Yaralılar ətrafdakı xəstəxanalara yerləşdiriliblər.

Qəza ilə bağlı araşdırmalar aparılır.

Namiq