Sükan arxasında halı pisləşən sürücü qəza törətdi, xəsarət alanlar var - YENİLƏNİB

Şəmkirdə sükan arxasında halı pisləşən sürücü qəza törədib, xəsarət alanlar var.

Şəmkir rayon sakini, 1957-ci il təvəllüdlü F.Əhmədov nəqliyyat vasitəsini idarə edən zaman qəflətən halı pisləşib. Nəticədə avtomobil idarəetmədən çıxaraq başqa avtomobilə çırpılıb.

Qəza nəticəsində F.Əhmədov və digər avtomobilin sürücüsü, 1991-ci il təvəllüdlü M.Quliyev xəsarət alıb və xəstəxanaya yerləşdiriliblər. Onların vəziyyəti kafi və qənaətbəxş hesab olunur.

Faktla bağlı araşdırma aparılır. (report)

***

17:10

Şəmkirdə yol-nəqliyyat hadisəsi baş verib.

Hadisə Şəmkir şəhərinin Morul yaşayış massivində qeydə alınıb.İki minik avtomobilinin toqquşması zamanı 2 nəfər xəsarət alaraq xəstəxanaya yerləşdirilib.

Faktla bağlı araşdırma aparılır. (apa)