Şəmkirdə zəncirvari yol qəzası: xəsarət alanlar var – FOTO

Şəmkir rayonunun Zəyəm qəsəbəsi ərazisində baş verən zəncirvari yol-nəqliyyat hadisəsi zamanı xəsarət alan şəxslərin adları məlum olub.  Avtosfer.az-ın "Report"a istinadən məlumatına görə, hadisə zamanı rayon sakinləri - 1989-cu il təvəllüdlü Elgün Qabil oğlu Gözəlov və 1994-cü il təvəllüdlü Cəfərzadə Cəfər Əbülfət oğlu müxtəlif bədən xəsarətləri alaraq xəstəxanaya yerləşdiriliblər. Hadisənin dəqiq səbəbləri aparılan avtotexniki ekspertizanın rəyindən sonra məlum olacaq.

*** 16:09

Şəmkir rayonunun Zəyəm qəsəbəsi ərazisində zəncirvari yol-nəqliyyat hadisəsi baş verib. 2 VAZ və 1 "Prado" markalı avtomobillər idarəetmədən çıxaraq toqquşub.  Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub. Qəza nəticəsində 2 nəfərin xəsarət aldığı bildirilir.

Faktla bağlı araşdırmalara başlanılıb.