Sərnişin avtobusu yük maşını ilə toqquşdu: 5 ölü, 14 yaralı - FOTO

Rusiyanın Stavropol əyalətində sərnişin avtobusunun və yük maşınının iştirakı ilə baş verən yol qəzasında 5 nəfər ölüb, 14 nəfər isə xəsarət alıb.

Avtosfer.az yerli mətbuata istinadən xəbər verir ki, insident avqustun 2-si gecə saatlarında Astraxan-Stavropol avtomagistralında qeydə alınıb.

Məlumata görə, reys avtobusu “Renault” markalı yük maşını ilə toqquşub. Qəzanın şiddətindən avtobus aşıb, yük maşınının kabinəsi isə deformasiyaya məruz qalıb.

Aralarında 3 uşağın da olduğu, ümumilikdə 14 nəfər yaralı təcili tibbi yardım maşınları ilə xəstəxanalara yerləşdirilib.

Polis qəza ilə bağlı araşdırmalara başlayıb.

Namiq Musayev