Şirvanda AĞIR QƏZA: sürücü xəsarət aldı - FOTO

Şirvanda yol qəzası baş verib.

Hadisə Şirvan-Salyan magistralının Şirvan şəhəri Çılpaqlı qəsəbəsi ərazisindən keçən hissəsində qeydə alınıb.

Salyan rayonunun Qaraçala kənd sakini, 2001-ci il təvəllüdlü Vəliyev İbrahim Cəmil oğlunun idarə etdiyi "Hyudai" markalı avtomobil yoldan çıxaraq dərəyə düşüb və hasara çırpılıb. Nəticədə sürücü müxtəlif dərəcəli xəsarətlərlə Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.

(apa)