Sürücü yeniyetməni avtomobillə vuraraq qaçıb - Bakıda

Bakının Xəzər rayonunda 14 yaşlı yeniyetməni avtomobil vurub. Avtosfer.az APA-ya istinadən xəbər verir ki, hadisə Mərdəkan qəsəbəsində baş verib. "Mercedes" markalı minik avtomobili piyada, 2005-ci il təvəllüdlü Novruzov Ağaismayıl Əli oğlunu vurub. Sürücü qəzadan sonra hadisə yerindən yayınıb. Yaralı dərhal ağır vəziyyətdə 3 saylı Şəhər Klinik Xəstəxanasına aparılıb. Ona bədənin çoxsaylı sıyrılmış-əzilmiş yaraları, bədənin küt travması diaqnozu qoyulub. Faktla bağlı Xəzər Rayon Polis İdarəsində araşdırma aparılır.