Təcili yardım maşını aşdı: hamilə qadın öldü, daha 2 nəfər yaralandı - FOTO

Rusiyanın İrkutsk əyalətində təcili tibbi yardım maşınının iştirakı ilə baş verən yol qəzasında hamilə qadın ölüb. Avtosfer.az “RİA Novosti”yə istinadən xəbər verir ki, bu barədə yerli DİN regional qrupundan məlumat verilib.

Polisin məlumatına görə, 54 yaşlı təcili tibbi yardım maşınının sürücüsü hərəkətdə olan zaman idarəetməni itirib və maşını aşırıb.

Nəticədə təcili tibbi yadım maşınında olan hamilə qadın aldığı xəsarətlərdən həyatını itirib, daha iki nəfər – qadın feldşerlər xəstəxanaya çatdırılıb.

Qəzadan sonra sürücü qaçaraq gizlənməyə çalışıb, lakin polis onu həbs edib.

Tibbi yoxlamadan keçirilən sürücünün sərxoş olduğu məlum olub.

Polis araşdırmalara başlayıb.

Namiq Musayev