Təkəri partlayan mikroavtobus tarlaya uçdu: 3 nəfər yaralandı

Türkiyənin Kastamonu vilayətində mikroavtobusun qəzaya uğraması nəticəsində 3 nəfər xəsarət alıb. Avtosfer.az yerli mətbuata istinadən xəbər verir ki, insident Kastamonu-Araç magistral yolunun Kuracaörən kəndi istiqamətindən keçən hissəsində qeydə alınıb.

Məlumata görə, Osman A. (45) idarəetməsindəki 37 SL 835 dövlət qeydiyyat nişanlı mikroavtobus hərəkətdə olan vaxt təkəri partlayıb. İdarəetmədən çıxan mikroavtobus aşıb və sürüklənərək tarlaya düşüb. Qəza zamanı nəqliyyat vasitəsindən uçaraq yola düşən sürücü Osman A., Mustafa A. (78) və Ayşə E. (45) xəsarətlər alıblar.

Yaralılar təcili tibbi yardım maşınları ilə Kastamonu Dövlət xəstəxanasına çatdırılıblar.

Polis hadisə ilə bağlı araşdırmalara başlayıb.

Namiq