Təmir zamanı maşının LPG balonu partladı: 3 nəfər xəsarət alıb - FOTO

Türkiyənin Konya vilayətində avtoservisdə partlayış baş verən. Avtosfer.az xəbər verir ki, insident bu gün Səlcuq rayonunda qeydə alınıb.

Məlumata görə, Köhnə Sənaye məhəlləsində yerləşən bir avtoservisdə avtomobilin LPG balonu təmir zamanı naməluma səbəbdən partlayıb. Partlayışın gücündən ətrafdakı iş yerlərinə və nəqliyyat vasitələrinə zərər dəyib.

Nəticədə Mövlud G., Cövhəri Y. (24), Rza A., bədənlərindən aldıqları 1-ci və 2-ci dərəcəli yanıq xəsarətləri ilə hadisə yerinə gələn ambulanslarla ərazidə yerləşən xəstəxanalara yerləşdiriliblər.

Hüquq-Mühafizə orqanları tərəfindən araşdırmalara başlanılıb.

Namiq Musayev