Tıxacda sürət həddini aşan motosiklet sürücüsü yol polisini vurdu – ANBAAN VİDEO

İstanbulun Maltepe rayonunda yolun hərəkət hissəsinə aid olmayan hissədə xidmət aparan yol polisi əməkdaşı yüksək sürətlə gələn motosikletin onu vurması nəticəsində xəsarət alıb. 

Avtosfer.az xəbər verir ki, hadisə zamanı polis əməkdaşı yolda nəqliyyatın hərəkətini tənzimləmək üçün müdaxilə edirmiş.

Məlumata görə, 34 NYJ 968 nömrə nişanlı motosiklet sol zolaqla hərəkətini davam etdirərək ona mane olmağa çalışan yol polisi əməkdaşı ilə toqquşub. Zərbənin təsirindən polis yıxılıb və müxtəlif dərəcəli xəsarətlər alıb.

Yaralı polis əməkdaşı təcili tibbi yardım maşını ilə xəstəxanaya çatdırılıb. Onun vəziyyətinin stabil olduğu və həyati təhlükəsinin olmadığı bildirilib. Qəza anı motosikletin dəbilqə kamerası tərəfindən qeydə alınıb. Faktla bağlı araşdırma aparılır.

Eltac Zülfüqaroğlu