Tovuzda avtomobilin vurduğu piyadanın şəxsiyyəti məlum olub

Tovuz rayonunda baş verən yol-nəqliyyat hadisəsi zamanı xəsarət alan piyadanın şəxsiyyəti dəqiqləşdirilib. Avtosfer.az-ın "Report"a istinadən məlumatına görə, bu, rayonun Əlimərdanlı kənd sakini, 40 yaşlı Məmmədova İstarə Eldar qızıdır. Hazırda Tovuz rayon Mərkəzi Xəstəxanasının Travmatologiya şöbəsində müalicəsi davam edən qadının vəziyyətinin orta-ağır olduğu bildirilir.

Faktla bağlı araşdırma aparılır.

***21:57

Tovuz rayonunda piyadanın vurulması ilə nəticələnən yol-nəqliyyat hadisəsi baş verib. Hadisə Əlimərdanlı kəndində qeydə alınıb. Hazırda hadisə yerinə təcili tibbi yardım briqadası və Dövlət Yol Polisi əməkdaşları cəlb olunub.

Faktla bağlı araşdırma aparılır.