Üç maşın toqquşdu, “Qazel” və “BMW” yandı: 3 nəfər ölüb - FOTOLAR

Rusiyanın Tver bölgəsində üç nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə avqustun 22-də M11 şossesinin Torjok rayonundan keçən hissəsində qeydə alınıb.

Məlumata görə, eyni istiqamətdə hərəkətdə olan “Mazda”, "Qazel" və “BMW” markalı nəqliyyat vasitələri toqquşub. Zərbənin təsirindən “Qazel” və “BMW” yanıb.

Qəza nəticəsində “Qazel”in sürücüsü və “BMW”nin iki sərnişini ölüb.

“Mazda”nın sürücüsü ilə sərnişini isə xəsarət almayıb.

Faktla bağlı araşdırma aparılır, qəzanın baş vermə səbəbləri araşdırılır.

Namiq Musayev