Ucarda avtomobil aşdı: 3 nəfər xəsarət alıb

Ucarda xəsarətlə nəticələnən yol-nəqliyyat hadisəsi baş verib.  Avtosfer.az-ın APA-ya istinadən xəbərinə görə, bu gün Bakı-Qazax əsas magistral yolunun Ucar rayonunun Küçəkənd kəndindən keçən hissəsində minik maşını idarəetmədən çıxaraq aşıb. Nəticədə avtomobildə olan Qazax rayon sakinləri - 1970-ci il təvəllüdlü Zakir Qurban oğlu Qurbanov, onun oğlu, 1997-ci il təvəllüdlü Mehdi Zakir oğlu Qurbanov və 1979-cu il təvəllüdlü Afət Elbrus qızı İsmayılova müxtəlif xəsarətlərlə Ucar Mərkəzi Rayon Xəstəxanasına yerləşdiriliblər.

Faktla bağlı araşdırma aparılır.