Xətaidə yuxulu sürücü zəncirvari qəza törədib maşını aşırdı - VİDEO

Paytaxtın Xətai rayonu, NZS qəsəbəsində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 7-də axşam saatlarında qeydə alınıb. Hərəkətdə olan 90-YC-833 dövlət nömrə nişanlı “BYD” markalı maşın, “Ford” markalı avtomobillə, o isə öz növbəsində “Toyota” markalı maşınla toqquşub. Hadisə şahidlərinin iddiasına əsasən, qəzaya səbıb “BYD” sürücüsünün yuxulu halda avtomobili idarə etməsi olub. Belə ki, idarəetməni itirən sürücü qəza törədərək avtomobili aşırıb. Hadisə nəticəsində hər üç nəqliyyat vasitəsinə maddi ziyan dəyib, xəsarət alan olmayıb.

Nərmin