Xəzər rayonunda xəsarətlə nəticələnən yol qəzası olub

Bakıda xəsarətlə nəticələnən yol qəzası baş verib.

"Report" xəbər verir ki, hadisə Xəzər rayonu Qala qəsəbəsində qeydə alınıb.

İki avtomobilin toqquşması nəticəsində sürücülərdən biri - 1989-cu il təvəllüdlü Nağıyev Ramal İsrafil oğlu xəsarət alıb.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona döş qəfəsinin və dizin əzilmiş yarası diaqnozu qoyulub.