Xırdalanda avtomobil xəndəyə düşüb - VİDEO

Abşeron rayonu, Xırdalan şəhəri ərazisində "Mercedes" markalı avtomobil qazılmış xəndəyə düşüb. Avtosfer.az APA-ya istinadən xəbər verir ki, hadisə Heydər Əliyev prospektində qeydə alınıb. Qəza nəticəsində xəsarət alan olmayıb.

Bildirilir ki, həmin prospektdə bir müddətdir ki, kanalizasiya xətlərinin yenilənməsi işləri görülür. Avtoqəza baş verməzdən əvvəl orada xəbərdaredici nişanların olmadığı, yalnız ərazinin lentlə hasarlandığı deyilir.