Xocahəsəndə 35 yaşlı kişini maşın vurub, vəziyyəti ağırdır

Bakıda piyadanın vurulması ilə nəticələnən növbəti yol-nəqliyyat hadisəsi baş verib.

“Report” xəbər verir ki, hadisə paytaxtın Binəqədi rayonunun Xocahəsən qəsəbəsində qeydə alınıb.

Belə ki, 1984-cü il təvəllüdlü Hüseynov Valeh Rafiq oğlu yolu keçərkən avtomobil vurub.

Yaralı təcili tibbi yardım briqadasının köməkliyi ilə xəstəxanaya gətirilib. Ona kəllə-beyin travması qoyulub.

Hüseynov Valehin vəziyyəti ağır qiymətləndirildiyi üçün reanimasiya şöbəsinə yerləşdirilib.