Yevlaxda ağır yol qəzası - Nəvə ölüb, babası ağır xəsarət alıb

Yevlaxda baş verən ağır yol-nəqliyyat hadisəsi zamanı ölən və yaralanan şəxslərin kimliyi müəyyənləşib. Avtosfer.az Teleqraf-a istinadən məlumatına görə, qəza nəticəsində 2015-ci il təvəllüdlü Sübhan Əlizadə hadisə yerində həyatını itirib. Onun babası Cabbar Əliyev isə ağır xəsarətlər alaraq xəstəxanaya yerləşdirilib. Faktla bağlı araşdırma aparılır.

***

Yevlax şəhərində baş verən ağır yol-nəqliyyat hadisəsi zamanı nəvə həyatını itirib, baba isə ağır xəsarət alıb. Qəza hadisəsi şəhərin Heydər Əliyev prospektində qeydə alınıb. İlkin məlumata görə, hərəkətdə olan "BMW" markalı avtomobilin sürücüsü yolu keçən baba ilə nəvəni vurub. Nəticədə nəvə hadisə yerində dünyasını dəyişib, baba isə ağır vəziyyətdə Yevlax Rayon Mərkəzi Xəstəxanasına çatdırılıb. Faktla bağlı araşdırma aparılır.