Yevlaxda yol qəzası: ata və oğlu xəsarət alıb

Yevlax rayonunda yol qəzası baş verib. Avtosfer.az-ın "Report"a istinadən məlumatına görə, hadisə rayonun Xanabad kəndi ərazisində qeydə alnıb. Belə ki, "VAZ-2107" markalı avtomobilin başqa bir nəqliyyat vasitəsi ilə toqquşması nəticəsində Samux rayon sakinləri - 1982-ci il təvəllüdlü Elşad Dadaşov və onun oğlu, 2009-cu il təvəllüdlü Ayxan xəsarət alıb. Hər iki yaralı Mingəçevir Şəhər Mərkəzi Xəstəxanasına yerləşdirilib. Onlardan birinin vəziyyətinin qənaətbəxş, digərinin vəziyyətinin isə kafi olduğu bildirilir.

Faktla bağlı araşdırma aparılır.