Yük maşını aşdı: 11 ölü, 30 yaralı

Haitidə yük maşınının qəzaya uğraması nəticəsində 11 nəfər ölüb, azı 30 nəfər isə xəsarət alıb. Avtosfer.az “TASS”a istinadən xəbər verir ki, hadisə ölkənin qərbində yerləşən Qrand-Ans departamentində baş verib. Bu barədə “HaitiLibre” portalı məlumat yayıb. İlkin məlumata görə, insanları daşıyan yük avtomobilinin sürücüsü sükan idarəetməsini itirib və maşın aşıb. Yaralılar xəstəxanalara yerləşdiriliblər.

Polis insidentlə bağlı araşdırmalara başlayıb.

Namiq Musayev