Yük maşını dərəyə aşdı: 5 ölü

Gürcüstanın Tuşeti dağlıq rayonunda “Kamaz” markalı yük maşınının dərəyə aşması nəticəsində 5 nəfər ölüb. Avtosfer.az “Report”a istinadən xəbər verir ki, onlardan ikisi yeniyetmədir. Xəsarət alan üç nəfər helikopterlə Telavi xəstəxanasına çatdırılıb. Yayılan digər məlumatlara əsasən, qəzada 7 nəfər ölüb. Nəqliyyat vasitəsində 13 nəfər olub, onlardan 5-i qəza zamanı maşından çıxa bilib. Gürcüstan Daxili İşlər Nazirliyindən qəzaya uğrayan avtomobilin sərnişin mikroavtobusu olduğu bildirilib.

***14:59

Gürcüstanın Tuşeti dağlıq rayonunda yol qəzası baş verib. “Kamaz” markalı yük avtomobili 400 metr hündürlükdən dərəyə aşıb. İlkin məlumatlara əsasən, nəqliyyat vasitəsində 12 nəfər olub.

Hadisə yerinə xilasedicilər cəlb olunub. “Kamaz”da olan şəxslərin vəziyyəti barədə hələ məlumat yoxdur.