Yük maşını divara çırpıldı - Sürücü öldü - FOTO

Göygöl rayonunun Toğanalı kəndi ərazisində baş vermiş qəzanın təfərrüatı məlum olub.

Qəzaya sürücünün sükan arxasında yatması səbəb olub.

Nəticədə sürücü Əhliman Qəfərov həyatını itirib.

Xatırladaq ki, bu gün sükan arxasında sürücünün yatması səbəbindən daha bir yol-nəqliyyat hadisəsi Kürdəmir rayonunda qeydə alınıb.

***

Göygöldə avtomobil qəzasında ölənin kimliyi məlum olub.

Yol-nəqliyyat hadisəsi nəticəsində həyatını itirən şəxs Göyçay rayon sakini, 1968-ci il təvəllüdlü Əhliman Qəfərovdur.

Xatırladaq ki, hadisə Göygöl-Toğanalı-Kəlbəcər avtomobil yolunun Toğanalı kənd ərazisindən keçən hissəsində "Hovo" markalı yük maşının divara çırpılması nəticəsində qeydə alınıb.

Faktla bağlı araşdırma aparılır.

***

Göygöl-Toğanalı-Kəlbəcər avtomobil yolunda ağır yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, qəza nəticəsində ölən və xəsarət alanın olduğu bildirilir.

Əraziyə Dövlət Yol Polisi əməkdaşları və təcili tibbi yardım briqadası cəlb olunub.

Faktla bağlı araşdırma aparılır.