Yük maşınına çırpılan “Chevrolet” dərəyə düşdü - VİDEO

Gürcüstanın Marneuli rayonu, Sunar kəndində yol-nəqliyyat hadisəsi baş verib.

Avtosfer.az-ın məlumatına görə, hadisə yanvarın 28-də səhər saatlarında qeydə alınıb.

Belə ki, hərəkətdə olan “Chevrolet” markalı avtomobil, “Ford” markalı yük maşınıyla toqquşub.

Şahidlərin iddiasına əsasən, qəzaya səbəb manevr qaydasının pozulması olub.

Nəticədə yük maşınına çırpılan avtomobil dərəyə düşüb. Hadisə nəticəsində hər iki nəqliyyat vasitəsinə ziyan dəyib, xəsarət alan olmayıb.

Qeyd edək ki, faktla bağlı araşdırma aparılır.