Zəncirvari qəza 17 avtomobili yararsız hala saldı

"İranın Qəzvin-Zəncan magistral yolunda baş verən zəncirvari qəzada 17 avtomobil toqquşub". Avtosfer.az Trend-ə istinadən xəbər verir ki, bunu İranın Qəzvin vilayətinin hüquq-mühafizə orqanının rəisi Mehdi Hacian polis informasiya agentliyinə açıqlamasında deyib. M.Hacianın sözlərinə görə, 2 avtobus və 10 avtomobilin toqquşması nəticəsində 2 nəfər həlak olub, 25 nəfər yaralanıb. Faktla bağlı araşdırma aparılır. İranın Tibbi Ekspertiza Təşkilatının məlumatına görə, son 2 ayda yol qəzalarında 2 578 nəfər həlak olub, 58 417 nəfər yaralanıb.